Bu gün Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında telefon danışığı olub.
APA-nın Rusiya prezidentinin saytına istinadən verdiyi məlumata görə, telefon danışığı Türkiyə tərəfinin təşəbbüsü ilə baş tutub.
V. Putin və R. T. Ərdoğan Suriya böhranının tənzimlənməsinə xüsusi diqqət ayırıblar. Qeyd edilib ki, Rusiya və Türkiyənin vasitəçiliyi ilə Suriya hökuməti və müxalifəti arasında hərbi əməliyyatların dayandırılması barədə razılaşmaya ümumilikdə riayət edilir. Tərəflər Suriya böhranı ilə bağlı Astana danışıqlarına hazırlıqla əlaqədar birgə səylərin gücləndirilməsini zəruri sayıblar.
V. Putin və R. T Ərdoğan ikitərəfli ticari-iqtisadi əlaqələrin bərpası və yaxın perspektivdə Rusiya-Türkiyə Ali Səviyyəli Əməkdaşlıq Şurasının keçirilməsi məsələlərini də müzakirə ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
