Hərbi

Ana səhifə

Hərbi

Hərbi qulluqçu statusunun saxlanıldığı halların sayı artırılır

13 noyabr 2021 19:14 (UTC +04:00)

Hərbi qulluqçu statusunun saxlanıldığı halların sayı artırılır.
APA-nın məlumatına görə, bu, “Hərbi qulluqçuların statusu haqqında” yeni qanun layihəsinin ilkin variantında əksini tapıb.
Layihəyə əsasən, xidməti vəzifələrinin icrası zamanı xəbərsiz itkin düşmüş şəxslər üçün qanuna uyğun olaraq onlar xəbərsiz itkin düşmüş və ya ölmüş elan edilənədək hərbi qulluqçu statusu saxlanılacaq.
Eyni zamanda hərbi andı pozmuş və ya Azərbaycan qanunvericiliyində nəzərdə tutulan cinayət əməli törətmiş şəxslər istisna olmaqla, Əsir və girov götürülmüş şəxslər üçün həmin dövrdə hərbi qulluqçu statusu saxlanılacaq.
Qüvvədə olan qanuna əsasən isə, hərbi qulluqçular əsirlikdə olduqları, habelə bitərəf ölkələrdə tərksilah edilib nəzarət altında saxlandıqları dövrdə hərbi andı pozmamış və Azərbaycan Respublikasının qanunvericiliyində nəzərdə tutulan cinayətləri törətməmişlərsə, onların hərbi qulluqçu statusu saxlanılır.
Qeyd edək ki, hərbi qulluqçu statusu həqiqi hərbi xidmətin, səfərbərlik və toplanışın başlaması itlə əldə edilir və ona hərbi həqiqi xidmətin başa çatması ilə xitam verilir.