"Gələn ildən yeni nəsil elektron notariat informasiya sisteminin istifadəyə verilməsi nəzərdə tutulub".
APA-nın məlumatına görə, bunu Elektron etibarnamə sisteminin təqdimatı ilə bağlı keçirilən mətbuat konfransında Ədliyyə Nazirliyinin şöbə müdiri Ağakərim Səmədzadə bildirib.
Onun sözlərinə görə, bu sistem istifadəyə veriləndən sonra notariuslara kağızla gəlməyin tamamilə aradan qaldırılması planlaşdırılır: "Artıq vətəndaş notariusa gələndə şəxsiyyət vəsiqəsinə belə ehtiyac olmayacaq. Ad, soyad, ata adı və doğum tarixini yazan zaman dərhal bütün məlumatlar çıxacaq və notarius da bunu görəcək".