Bakı-APA. Moldovanın paytaxtı Kişinyovda 3 minədək insan etiraz aksiyası keçirir.
APA-nın RİA Novosti agentliyinə istinadən verdiyi məlumata görə, paytaxta əyalətdən gələn etirazçıların sayı artıb.
Sentyabrın 7-də səhər saatlarında Kişinyovun mərkəzində 60 çadır quraşdırılmışdı. Hazırda çadırların sayı 150-yə çatıb.
Etirazçılar prezident və baş prokurorun istefasını, həmçinin, ölkədə növbədənkənar parlament seçkilərinin keçirilməsini tələb edirlər.
Qeyd edək ki, sentyabrın 6-da Kişinyovda etirazçılar və polis arasında baş vermiş toqquşmalar nəticəsində 6 asayiş keşikçisi xəsarət alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
