Top oyunları

Ana səhifə

Top oyunları

Rusiya yığması “Leypsiq”lə birgə Mingəçevirdə hazırlıq keçir

15 mart 2019 18:03 (UTC +04:00)

Akademik avarçəkmə üzrə Rusiya millisi Mingəçevirdə təlim-məşq toplanışına başlayıb.

ONA-nın Mingəçevir bürosunun məlumatına görə, şimal qonşularımız hazırlığa 84 nəfərlik heyətlə gəliblər.

Rusiyalılar “Kur” Olimpiya Tədris-İdman Mərkəzində keçirilən məşqlərə qarışıq komanda ilə qatılıblar. Kişilərdən və qadınlardan ibarət əsas millilərlə yanaşı, baxışa dəvət olunan gənc avarçəkənlər də toplanışda iştirak edirlər.

Kişilərdən ibarət yığmanın hazırlığı martın 31-də başa çatacaq. Xanım avarçəkənlər isə onlardan 6 gün öncə ölkəmizdən ayrılacaqlar.

Qeyd edək ki, hazırda “Kür” Olimpiya Tədris-İdman Mərkəzində rusiyalı idmançılarla yanaşı, Almaniyanın “Leypsiq” klubu və Gürcüstanın kanoe və kayak növü üzrə 6 idmançısı təlim-məşq toplanışı keçir.
Ehtiram Muradov