İspaniyanın “Sevilya” klubunda baş məşqçi istefası gerçəkləşib. ONA-nın məlumatına görə, La Liqa təmsilçisi Pablo Maçini vəzifəsindən kənarlaşdırıb.
Buna son həftələrdə göstərilən uğursuz nəticələr, xüsusilə də Avropa Liqasında mübarizənin 1/8 finalda dayandırılması səbəb olub. Çexiyanın “Slaviya” klubunu Sevilyada məğlub edə bilməyən (2:2) ispaniyalılar dünənki səfər matçının əlavə vaxtında 3:4 hesabı ilə uduzub.
Bundan başqa, komanda Primerada 27 turdan sonra 6-cı yerdə qərarlaşması da klub rəhbərliyini qane etmir. Baş məşqçi vəzifəsi müvəqqəti olaraq idman direktoru Xoakin Kaparrosa həvalə edilib.
Qeyd edək ki, istefaya göndərilən P.Maçin “Sevilya”nı 2018-ci ilin mayından çalışdırırdı.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
