Bakı-APA. Almaniyanın “Deutsche Welle” (DW) teleradioşirkətinin müxbiri Naomi Konrad Azərbaycanın işğal altında olan Dağlıq Qarabağ bölgəsinə DW müxbiri kimi yox, fərdi şəxs qismində səfər edib.
APA-nın xəbərinə görə, bunu “RİA Novosti”yə “Deutsche Welle” şirkətinin mətbuat-katibi Kristof Yumpelt bildirib.
“Bizim əməkdaşımız Naomi Konrad Qafqaz ölkələrində humanitar vəziyyət mövzusunda infoturda iştirak etmək üçün DW-də üç həftəlik müddətə işdən azad olunmuşdu. Səfəri Robert Boş Fondunun təqaüdü hesabına maliyyələşdirilib”, - deyə Kristof Yumpelt bildirib.
Onun sözlərinə görə, Dağlıq Qarabağa səfər Naomi Konradın şəxsi təşəbbüsü ilə olub: “Naomi Konrad Ermənistana DW-nin nümayəndəsi kimi səfər etməyib və orada DW üçün jurnalist qismində işləmir”, - deyə Yumpelt qeyd edib.
Azərbaycan XİN-i bundan əvvəl “Deutsche Welle”nin qeyd olunan əməkdaşının adını "arzuolunmaz şəxslər" siyahısına salınacağını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
