Bakı-APA. Rusiyanın sabiq mətbuat naziri Mixail Lesinin ölümünə səbəb baş nahiyəsində müəyyən edilən xəsarətlər olub. APA-nın “RİA Novosti”yə istinadən verdiyi xəbərə görə, belə qənaətə ABŞ-ın məhkəmə-tibbi ekspertləri gəliblər.
“Ölüm səbəbi baş nahiyəsindəki xəsarətlər olub”, - deyə Vaşinqtonun Məhkəmə-Tibbi Ekspertiza ofisinin kommunikasiyalar üzrə direktoru Laşon Bimon bildirib. O, ölümün xarakterinin müəyyən edilmədiyini qeyd edib.
Məlumata görə, polis araşdırmanı davam etdirir.
Qeyd edək ki, Rusiyanın keçmiş mətbuat naziri və “Qazprom-media” ASC-nin sabiq rəhbəri Mixail Lesinin cəsədi 2015-ci ilin noyabrın 5-də Vaşinqtondakı otellərin birində aşkarlanıb. O noyabrın 13-də Los Ancelesdə dəfn edilib.
Lesin 1999-2004-cü illərdə Rusiyanın mətbuat, teleradio yayımı və kütləvi kommunikasiya vasitələri üzrə nazir vəzifəsində çalışıb.
O, həmçinin 2013-2015-ci illədrə “Qazprom –Media Xoldinq” ASC-nin İdarə Heyətinin sədri olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
