Moskva. Fərid Əkbərov – APA. Rusiyanın Sankt-Peterburq şəhərində Azərbaycan vətəndaşı qətl törədib.
APA-nın Rusiya bürosunun verdiyi məlumata görə, kirayə qaldığı evin sahibini qətlə yetirən azərbaycanlı polisə könüllü təslim olub. O, martın 1-də səhər 06:30 radələrində Rusiya Daxili İşlər Nazirliyinin Sank-Peterburq şəhəri üzrə Baş İdarəsinin növbətçi hissəsinə zəng edərək tanışını qətlə yetirdiyi etiraf edib. Polislər dərhal hadisə yerinə gediblər. Onlar evdə Sankt-Peterburq sakininin cəsədini aşkar ediblər.
Azərbaycan vətəndaşı qətlə yetirdiyi şəxsin kirayənişini olduğunu söyləyib. O, ev sahibinin ondan kirayə haqqını tələb etdiyini, aralarında bu səbəbdən mübahisə yaşandığını bildirib: “İçkili idim, vurdum, öldürdüm”.
Faktla bağlı cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
