Bakı. Şəhriyar Əlizadə -APA. Bu gün Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən Mehriban Hüseynovanın cinayət işi üzrə məhkəmə prosesi davam etdirilib.
APA-nın məlumatına görə, iclasda prokuror çıxış edərək M. Hüseynovanın 6 il 6 ay müddətinə azadlıqdan məhrum edilməsini istəyib. Onun vəkili daha yüngül cəza verilməsini istəyib. M. Hüseynova isə peşman olduğunu deyib. Məhkəmənin hökmü ilə M. Hüseynova 6 il müddətinə azadlıqdan məhrum edilib.
Qeyd edək ki, 1995-ci il təvəllüdlü M. Hüseynova Gəncədən Bakıya 3 kilodan çox marixuana gətirərkən saxlanılıb.