Bakı. Musa Əhmədov - APA-Economics. Azərbaycanın Mənzil İnşaatı Dövlət Agentliyinin direktoru Samir Nuriyevin rəhbərlik etdiyi nümayəndə heyəti TOKİ (Toplu Konut İdaresi Başkanlığının) rəhbəri Ergün Turanla görüşüb.
"APA-Economics" Türkiyə KİV-lərinə istinadən xəbər verir ki, görüşdə S. Nuriyevə TOKİ-nin fəaliyyəti barədə məlumat verilib.
E. Turan bir çox ölkənin TOKİ təcrübəsi ilə maraqlandığını bildirib: “Azərbaycan TOKİ tərəfindən həyata keçirilən maliyyə modelini nümunə kimi götürərək Mənzil İnşaatı Dövlət Agentliyi yaradıb. Biz öz təcrübələrimizi Azərbaycanla bölüşdük. TOKİ modelini öyrənmək və həyata keçirmək istəyən ölkələrə təcrübələrimizi və modelimizi bölüşürük".
E. Turan əlavə edib ki, TOKİ-nin yaradıldığı 1984-cü ildən 2002-ci ilə qədər 43 min bina inşa edilib: “2002-ci ildən bu vaxta qədər isə 717 min bina tikilib. 19 ildə 43 min bina, 13 ildə isə 717 min bina inşa edilib. Bu binaların əksəriyyətini sosial evlər təşkil edir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
