Bakı. Aqşin Rafiqoğlu - APA-Economics. 2015-ci ildə SOCAR-ın Gürcüstandakı törəmə şirkəti olan "SOCAR Georgia Petroleum" MMC tərəfindən qonşu ölkənin bazarına 263 min 843 ton Azərbaycan mənşəli neft məhsulu idxal edilib.
"APA-Economics" xəbər verir ki, 2015-ci ildə SOCAR brendi ilə Gürcüstanda qazdoldurma və yanacaqdoldurma işlərini həyata keçirən 8 YDM açılıb.
2015-ci ildə Gürcüstana Azərbaycandan "SOCAR Georgia Gas" MMC tərəfindən 1,51 mln. ton ekvivalentində ümumi dəyəri 314,3 mln. ABŞ dolları olan təbii qaz idxal edilib ki, bu da əvvəlki dövrlərlə müqayisədə 9,2% çoxdur. Azərbaycan Gürcüstanın əsas qaz tədarükçüsüdür və ölkənin bu qəbildən olan idxal məhsulunun 74%-ni təmin edir.
"SOCAR Energy Georgia" tərəfindən 2015-ci ildə Gürcüstanda 21,8 mln. dollar məbləğində investisiya yatırımı həyata keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
