Bakı. Musa Əhmədov - APA-Economics. Türkiyənin dövlət şirkəti olan TPAO 2014-cü ildə Fransanın "Total" şirkətindən "Şahdəniz" və "Cənubi Qafqaz Boru Kəməri" layihələrindəki 10%-lik hissələrini aldıqdan sonra maliyyə durumunda çətinlik yaranıb.
"APA-Economics" xəbər verir ki, bunu Türkiyənin energetika və təbii ehtiyatlar naziri Berat Albayrak bildirib.
Onun sözlərinə görə, problemin yaranmasına səbəb nağd pul çatışmazlığı olub: "Vəsaitin bir qismini nağd, digər hissəsini isə cəlb etdiyimiz kredit hesabına ödədik".
Qeyd edək ki, TPAO "Şahdəniz" və Azərbaycanı Gürcüstanla birləşdirən "Cənubi Qafqaz Boru Kəməri" layihələrinin hər birində 19%-lik paya malikdir.