Bakı-APA. Silahlı Qüvvələrin hərbi təhsil sisteminin müəyyən sahələrinin inkişafına yardım üzrə Azərbaycan-NATO birgə fəaliyyət planına uyğun olaraq, NATO-nun Beynəlxalq Dil Koordinasiya Mərkəzinin (BİLC) nümayəndə heyəti Xarici Dil və Tərəfdaşlıq Mərkəzi ilə əməkdaşlıq yaratmaq məqsədilə Silahlı Qüvvələrin Hərbi Akademiyasında olub.
Müdafiə Nazirliyinin mətbuat xidmətindən APA-ya verilən məlumata görə, Xarici Dil və Tərəfdaşlıq Mərkəzinin əməkdaşları ilə nümayəndə heyəti arasında keçirilən görüşdə müəllimlərin təkmilləşdirilməsi, hərbi tərcüməçilərin hazırlanması, tərtib olunan STANAG test suallarının müxtəlif xarici ölkələrdə sınaqdan keçirilməsi, təlimatçı mübadiləsi, aparıcı xarici dil mərkəzləri ilə ikitərəfli əməkdaşlıq məsələləri və perspektivlər müzakirə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
