Bakı-APA. Şimali Koreya yaxın günlərdə uzaq mənzilli raketin sınağını keçirə bilər.
APA-nın “Gazeta.ru”-ya istinadən verdiyi xəbərə görə, bu barədə Yaponiya hökumətindəki mənbə bildirib.
Məlumata əsasən, peykdən əldə edilən təsvirlər göstərir ki, rəsmi Pxenyan raketi ölkənin şimal-qərbindəki “Soxe” poliqonundan buraxmağa hazırlaşır.
Bundan əvvəl ABŞ-ın dövlət katibi Con Kerri bəyan edib ki, BMT Təhlükəsizlik Şurası nüvə sınaqlarına cavab olaraq Şimali Koreyaya qarşı sanksiyalar tətbiq edə bilər.