“Ərzaq məhsullarının tədarükü və təchizatı" ASC-nin 2017-ci il üçün maliyyə hesabatını açıqlayıb.
“APA-Economics” şirkətin saytında yer alan hesabata əsasən xəbər verir ki, “Ərzaq məhsullarının tədarükü və təchizatı”nın cəmi aktivləri 2016-cı illə müqayisədə 70,37% artaraq 70 mln. 990,472 min manat olub.
Hesabat dövründə ASC-nin uzunmüddətli aktivləri 6,97 dəfə artaraq 4 mln. 759,040 min manat, qısamüddətli aktivləri isə ötən illə müqayisədə 61,59% artaraq 66 mln. 231,431 min manat təşkil edib.
Hesabat dövründə ASC-nin cəmi öhdəlikləri 62,50% artaraq 67 mln. 301,733 min manat olub. 2017-ci ildə şirkətin cəmi uzunmüddətli öhdəlikləri 4 mln. 655,569 min manat, cəmi qısamüddətli öhdəlikləri isə 62 mln. 646,163 min manat təşkil edib.
Ötən ilin sonuna şirkətin nizamnamə kapitalı sabit qalaraq 100 min manat təşkil edib, cəmi kapital 3 mln. 688,739 min manat təşkil edib ki, bu da ötən illə müqayisədə 54,64 dəfə çoxdur. Bölüşdürülməmiş mənfəəti isə 3 mln. 588,739 min manat təşkil edib.
2017-ci ildə “Ərzaq məhsullarının tədarükü və təchizatı" ASC-nin qısamüddətli kreditor borcları 41 mln. 161,612 min manat təşkil edib ki, bu da ötən illə müqayisədə 11,77 dəfə azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
