Ukrayna və Belarus gömrükçüləri Biləsuvar Gömrük İdarəsində olublar

Ukrayna və Belarus gömrükçüləri Biləsuvar Gömrük İdarəsində olublar
# 06 fevral 2018 12:59 (UTC +04:00)

Azərbaycan gömrüyünün qabaqcıl təcrübəsini öyrənmək məqsədilə ölkəmizə gələn Ukrayna və Belarus gömrük xidmətlərinin nümayəndə heyətləri bu gün Biləsuvar Gömrük İdarəsində olublar.

Dövlət Gömrük Komitəsindən “APA-Economics”ə verilən məlumata görə, İran ilə sərhəddə yerləşən "Qoşa Təpə" gömrük postunda iş şəraiti ilə tanış olan nümayəndə heyətinin üzvlərinə burada "Bir pəncərə" sisteminin məqsədi və prinsipləri barədə məlumat verilərək bildirilib ki, bu tətbiq mal və nəqliyyat vasitələrinin sərhədkeçmə prosesini ən qısa zaman ərzində başa vurmağa imkan verir. Sistemin tətbiqi zamanı bütün proseslər informasiya texnologiyalarının tətbiqi ilə avtomatlaşdırılmış qaydada həyata keçirilir və şəffaflıq tam təmin olunur.

Biləsuvar Gömrük İdarəsinin "Qoşa Təpə" gömrük postu ilə tanış olan qonaqlar sərhəd-keçid məntəqəsində yaradılan şəraitdən razılıqlarını ifadə ediblər.

Qeyd edək ki, adıçəkilən ölkələrin gömrük xidmətlərinin nümayəndələri Avropa İttifaqının (Aİ) maliyyə dəstəyi ilə Beynəlxalq Miqrasiya Təşkilatı (BMqT) tərəfindən həyata keçirilən "Ukrayna və Belarus Respublikası sərhədindəki Novaya Quta- Novıye Yarıloviçi sərhəd keçid məntəqəsinin avtomatlaşdırılmış intellektual videomüşahidə sisteminin təşkil edilməsi" layihəsi çərçivəsində ölkəmizdə səfərdədirlər.

#
#

ƏMƏLİYYAT İCRA OLUNUR