Bakı və Abşeronda bıçaqlanma hadisələri baş verib.
APA-nın DİN-inin saytına istinadən verdiyi məlumata görə, dekabrın 2-də Suraxanı rayonunun Yeni Suraxanı qəsəbəsi ərazisində qəsəbə sakini Rəşad Həsənov münaqişə zəminində həmyerlisi Əyyub İsmayılova bıçaqla xəsarət yetirib.
Suraxanı RPİ 31-ci PB əməkdaşlarının həyata keçirdikləri əməliyyat-axtarış tədbirləri nəticəsində R.Həsənov tutulub.
Dekabrın 2-də Abşeron rayonunun Masazır qəsəbəsi ərazisindən qəsəbə sakini Tariyel Aslanov kəsilmiş-deşilmiş xəsarətlə xəstəxanaya gətirilib.
Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Biləsuvar rayon sakini Müslüm Müslümov tutulub.
Hər bir faktla bağlı araşdırma aparılır.