Moldova Dnestryanı bölgəsində rusiyalı hərbçilərin olmasından narahatdır. APA-nın "Ukrinform"-a istinadən verdiyi məlumata görə, bu barədə ölkənin baş naziri Pavel Filipp ATƏT sədri, Avstriyanın xarici işlər naziri Sebastyan Kurts ilə görüşü zamanı deyib.
“Biz rusiyalı hərbçilər və silah-sursatın Moldovadan çıxarılmasına və onların beynəlxalq təşkilatların himayəsi altında beynəlxalq müşahidəçilərlə əvəzlənməsini tələb edirik“, - deyə Pavel Filipp bildirib.
P.Filipp həmçinin Dnestryanı bölgəsinə Moldova tərkibində xüsusi statusun verilməsinə ümidvar olduğunu söyləyib. Bu məsələ Dnestryanı münaqişənin nizamlanmasına dair ”5+2” formatında baş tutacaq danışıqlar çərçivəsində müzakirə olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
