Bu gün Bakı Ağır Cinayətlər Məhkəməsində dələduzluqda təqsirləndirilən Şahzadə Rüstəmovun cinayət işi üzrə məhkəmə prosesi davam etdirilib.
APA-nın xəbərinə görə, hakim Fikrət Qəribovun sədrliyi ilə keçirilən prosesdə dövlət ittihamçısı çıxış edərək, təqsirləndirilən şəxsin cinayətinin məhkəmə istintaqında sübuta yetirildiyini deyib. O, Ş. Rüstəmovun 8 il müddətinə azadlıqdan məhrum edilməsini istəyib.
Təqsirləndirilən şəxsin vəkili çıxış üçün məhkəmədən vaxt istəyib.
Proses dekabrın 2-də davam etdiriləcək.
Qeyd edək ki, Ş. Rüstəmov etibardan sui-istifadə etmə və aldatma yolu ilə özgənin əmlakını ələ keçirmək məqsədilə İran vətəndaşı Fotouhi Sefidi Mohammadə Masazır qəsəbəsində yerləşən 3 otaqlı mənzili öz mülkiyyəti kimi təqdim edib, həmin mənzili ona 30 min ABŞ dollarına sataraq, dələduzluq edib.
Həmin mənzilin Əli Əhmədovun adına olduğu müəyyən edilib. Faktla bağlı Cinayət Məcəlləsinin 178-ci (dələduzluq) maddəsi ilə cinayət işi açılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
