Bakı. Yeganə Laçınzadə - APA-Economics. "AtaSığorta" ASC 2016-cı ilin 9 ayı üzrə maliyyə nəticələrini açıqlayıb.
Şirkətdən "APA-Economics"ə verilən məlumata görə, cari ilin 9 ayı ərzində şirkətin ümumi sığorta yığımları 8 mln. manat təşkil edib ki, bu da ötən ilin müvafiq dövrü ilə müqayisədə 6,4% çoxdur.
"AtaSığorta" 2016-cı ilin 9 ayı ərzində 2,5 mln. manatdan artıq sığorta ödənişi həyata keçirib.
Sığortaçının aktivlərinin ümumi həcmi 35 mln. manat həcmindədir. Ötən ilin müvafiq dövrü ilə müqayisədə şirkətin aktivləri 25,1% artıb.
Şirkətin nizamnamə kapitalı 12,4 mln. manatdır.
"AtaSığorta" 9 ayı 1,8 mln. manatlıq mənfəətlə bitirib.