Gürcüstanın qaz paylama sahəsində fəaliyyət göstərən şirkətlər ölkənin Energetika və Su Təminatı üzrə Milli Tənzimləmə Komissiyasına istehlak tariflərinə baxılması ilə bağlı müraciət ediblər.
APA-nın yerli bürosunun məlumatına görə, müraciətlər “Socar Georgia Gas”, “Kaztransqaz” ASC və “Sakorqaz” SC tərəfindən təqdim olunub.
Gürcüstanın Energetika və Su Təminatı üzrə Milli Tənzimləmə Komissiyası müraciətlərə 180 gün ərzində baxacaq. Yeni tariflərin 1 yanvar 2019-cu il tarixindən etibarən qüvvəyə minəcəyi gözlənilir.
İndiki mərhələdə qazın istehlak tariflərinin artırılıb-artırılmayacağı məlum deyil.
Qeyd edək ki, Gürcüstanda sonuncu dəfə qazın istehlak tarifləri ötən ilin iyulunda artıb. Hazırda Tbilisi sakinləri üçün qazın istehlak tarifi 46,153 tetri (19 sent), bölgə sakinləri üçün isə 56,940 - 57,011 (23 sent) tetri təşkil edir. Bu tariflər bu ilin dekabrın 31-nə qədər qüvvədədir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
