Gürcüstanda “İnquri” SES-də baş vermiş texniki nasazlıq səbəbindən ölkədə yaranmış elektrik enerjisi defisiti idxal hesabına aradan qaldırılır.
APA-nın yerli bürosu “Gürcüstan Dövlət Elektrosistemi” SC-nin məlumatına istinadla xəbər verir ki, qonşu ölkə SES-də qəza baş verən vaxtdan 2 006 718 kv/saat həcmində elektrik enerjisi idxal edib. İdxal Azərbaycan, Rusiya və Türkiyədən həyata keçirilib.
“İnquri” SES-də baş vermiş texniki qəzanın nəticələrinin aradan qaldırılması istiqamətində tədbirlər davam etdirilir.
Qeyd edək ki, dünən axşam saatlarında “İnquri” SES-də baş vermiş qəza nəticəsində paytaxt Tbilisinin bir hissəsi və bölgələrin elektrik enerjisi ilə təminatında məhdudiyyətlər yaranıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
