Təhsil Nazirliyində IV İslam Həmrəyliyi Oyunlarında yüksək nəticə göstərən idman məktəblərinin yetirmələri, Oyunların keçirilməsində fəal iştirak edən təhsil müəssisələrinin əməkdaşları və könüllülərinin təltif olunma mərasimi keçirilib.
APA-nın xəbərinə görə, təhsil naziri Mikayıl Cabbarov bildirib ki, IV İslam Həmrəyliyi Oyunlarının yüksək səviyyədə təşkilində 11 mindən çox tələbə - könüllünün xüsusi rolu olub.
Nazir İslamiadanın qalibləri arasında Təhsil Nazirliyi sistemində fəaliyyət göstərən uşaq - gənclər, idman məktəblərinin 18 nəfər idmançısının yer aldığını, 4 qızıl və 4 gümüş olmaqla, ümumilikdə 8 medal qazanıldığını qeyd edib.
Daha sonra İslamiadada yüksək nəticə göstərən idman məktəblərinin yetirmələri, Oyunların keçirilməsində fəal iştirak edən əməkdaşlar, könüllülər və idmançılar təltif olunublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
