Bakı. Məlahət Nəcəfova - APA. “ATƏT-in Demokratik Təsisatlar və İnsan Haqları Bürosunun Azərbaycanda keçiriləcək parlament seçkilərinə müşahidə missiyası göndərməməsi siyasi qərardır”.
APA-nın RIA "Novosti”yə istinadən verdiyi məlumata görə, bu sözləri Rusiya Xarici İşlər Nazirliyinin insan haqları, demokratiya və qanunun aliliyi məsələləri üzrə səlahiyyətli nümayəndəsi Konstantin Dolqov deyib.
“Demokratik Təsisatlar və İnsan Haqları Bürosu Azərbaycan rəhbərliyinin xarici müşahidəçilərin sayının azaltmaq tələbinə cavab olaraq tamamilə siyasiləşdirilmiş, müşahidəçi göndərməmək barədə qərar verib”, - deyə o qeyd edib.
K. Dolqov müşahidəçilərin sayı ilə bağlı ATƏT-in təklif etdiyi rəqəmin doğrudan da çox olduğunu bildirib.
Qeyd edək ki, ATƏT DTİHB Azərbaycana 400 müşahidəçi göndərmək istəyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
