Bakı. Şəhriyar Əlizadə - APA. Bu gün 1 saylı İnzibati-İqtisad Məhkəməsində “Valideyn himayəsindən məhrum olmuş uşaqlara dayaq” İctimai Birliyinin “Kapital Bank” ASC-yə qarşı qaldırdığı iddia əsasında məhkəmə prosesi başa çatıb.
APA-nın məlumatına görə, prosesdə qərar elan olunub. Qərara görə birliyin iddiası qismən təmin olunub. Məhkəmə öhdəliklərin icrasının təmin olunması barədə hissədə iddianı təmin edib. Digər hissələrdə isə iddia təmin olunmayıb.
Qeyd edək ki, ictimai birlik hərəkətlərin qanunsuz hesab edilməsi, öhdəliklərin icrası və dəymiş zərərin əvəzinin ödənilməsi tələbi ilə məhkəməyə müraciət edib. İctimai birlik dəymiş 10 min manat məbləğində ziyanın bankdan tutularaq birliyin xeyrinə ödənilməsini də məhkəmədən xahiş edib.
İddia ərizəsində göstərilib ki, bank hesabında pul olmasına baxmayaraq bank tərəfindən hesabdan pul çıxarılmasına, hər hansı bank əməliyyatı aparılmasına qadağa qoyulub. Nəticədə birliyin iş fəaliyyəti iflic vəziyyətə düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
