Bakı. Məlahət Nəcəfova - APA. Ermənistandakı apteklərdə tibbi maskalar, oksalin və digər virus əleyhinə preparatlar tapılmır.
APA-nın “News.am” saytına istinadən verdiyi məlumata görə, İrəvan əhalisi yayılan qrip və kəskin respirator virus infeksiyası ilə bağlı aktiv şəkildə qoruyucu maska və virus əleyhinə dərmanlar alıb. Artıq apteklərdə bu vasitələr yoxdur və əhali dərman və maskaların yenidən gətirilməsini gözləyirlər.
Xatırladaq ki, Ermənistanda qrip və respirator virus infeksiyasının kəskin artması müşahidə olunsa da, Səhiyyə Nazirliyi ölkədə belə bir epidemiyanın yayılmasını təsdiqləmir. Eyni zamanda, artıq “donuz qripi”ndən ölənlərin sayı 11 nəfərə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
