Lənkəran sakini həyətində su quyusu qazarkən quyudan saxsı qablar çıxıb.
APA-nın cənub bürosunun məlumatına görə, Lənkəran rayonunun Cil kən sakini, Amid Xurşudzadə həyətyanı sahəsində su quyusu qazıb. Quyunun eni bir metr, dərinliyi isə beş metr olub. Qazıntı işləri apararkən yerin beş metr dərinliyindən saxsı qablar çıxıb.
Saxsı qabların ikisi bütöv, biri isə sınmış halda olub. Anar Xurşudzadə bildirib ki, burada əvvəllər yaşayış olmayıb. O, kəndin yaşlı adamları və tarix müəllimlərinə də bu əşyaları göstərib. Qabların bir neçə yüz il əvvələ aid olduğu, məişətdə istifadə olunduğu ehtimal olunur.
A.Xurşudzadə dulusçuluq məmulatlarını yoxlanılması və tarixinin araşdırılması üçün aidiyyəti qurumlara təhvil vermək niyyətindədir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
