Bu gün Ali Məhkəmədə AXCP-nin Rəyasət Heyəti üzvü, Qarabağ qazisi Asif Yusiflinin barəsindəki qərardan verilən kassasiya şikayətinə baxılıb.
APA-nın məlumatına görə, məhkəmə şikayəti qismən təmin edib və onun cəzası 6 ildən 5 ilə endirilib.
Qeyd edək ki, Asif Yusifli Fəridə Zülfüqarovanın şikayəti əsasında 2014-cü ilin noyabrında həbs olunub. Fəridə Zülfüqarovanın 7700 manatının dələduzluq yolu ilə ələ keçirməkdə ittiham olunub. Bakı Ağır Cinayətlər Məhkəməsinin 30 iyul 2015-ci il tarixli hökmü ilə Asif Yusifli 7 il 6 ay müddətinə azadlıqdan məhrum edilib. Bakı Apellyasiya Məhkəməsi həmin hökmü qüvvədə saxlayıb. Ali Məhkəmə isə onun cəzasını 6 ilə endirib.
Bu il avqustun 19-da 6 saylı Cəzaçəkmə müəssisəsində Nizami Rayon Məhkəməsinin hakimi Mətanət Hacıyevanın sədrliyi ilə A. Yusiflinin cəzasının dəyişdirilməsi ilə bağlı məhkəmə keçirilib. Məhkəmə onun ittiham olunduğu maddəni 178.3.2-dən (külli miqdara ziyan vurmaqla törədildikdə) 178.2-yə (dələduzluq, yəni etibardan sui-istifadə etməklə törədildikdə) maddəsinə dəyişdirilib. Lakin həbs müddəti 6 il olaraq saxlanılıb.
Kassasiya şikayəti həmin qərardan verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
