Zaqatalada bir gecədə iki yanğın baş verib.
APA-nın Şəki-Zaqatala bürosunun məlumatına görə, bu gün saat 02:30 radələrində rayonun Mosul kəndində Hüseyn Tanrıverdi oğlu Abdullayevin yaşadığı evin həyətyanı sahəsində tikilmiş, ümumi sahəsi 100 kv/m olan mal tövləsində baş verib. Nəticədə tövlənin yanar konstruksiyaları və çardağına yığılmış 7 ton quru ot yanıb.
Eyni kənddə digər hadisə saat 03:40 radələrində Rəhman Salam oğlu Əhmədovun yaşadığı evin həyətyanı sahəsində tikilmiş ümumi sahəsi 90 kv/m olan mal tövləsində olub. Nəticəsində tövlənin yanar konstruksiyaları 60 kv/m-lik sahədə və çardağına yığılmış 7 ton quru otun 3 tonu yanıb.
Yanğının söndürülməsi üçün əraziyə Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin texnikaları və şəxsi heyətləri cəlb edilib.
Hər iki hadisə zamanı tövlələrdə olan mal-qara xilas edilib, yanıq xəsarəti alan olmayıb.
İlkin araşdırma zamanı hər iki tövlənin yandırılması məlum olub.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
