Bakı. Türbət Bağırva - APA. Polşanın yeni seçilmiş prezidenti, Hüquq və Ədalət Partiyasının rəhbəri Anjey Dudanın andiçmə mərasimi keçirilib.
APA-nın BBC-yə istinadən verdiyi xəbərə görə, andiçmə mərasimində çıxış edən A. Duda Polşada təhlükəsizliyin möhkəmləndirilməsi və respublikada NATO qüvvələrinin artırılmasının vacibliyini vurğulayıb.
Hüquq və Ədalət Partiyası özünü milli-mühafizəkar və katolik siyasi hərəkat olaraq xarakterizə edir. Əvvəllər Duda Polşanın Donbassdakı vəziyyətlə bağlı müzakirələrə qoşulması ilə bağlı çağırışlar edib.
Qeyd edək ki, bu ilin mayın 11-də Polşa Mərkəzi Seçki Komissiyası Anjey Dudanın prezident seçkilərindəki qələbəsini elan edib. A. Duda kiçik fərqlə əsas rəqibi olan sabiq prezident Bronislav Komorovsini geridə qoyub.