Bakı. Şəhriyar Əlizadə - APA. Azərbaycanda səfərdə olan Qırğızıstan Ali Məhkəməsi Konstitusiya Palatasının sədri Mukambet Kasımaliyevin başçılıq etdiyi nümayəndə heyəti ədliyyə nazirinin müavini Toğrul Musayevlə görüşüb.
Nazirliyin mətbuat xidmətindən APA-ya verilən məlumata görə, nazir müavini ədliyyə və məhkəmə-hüquq sistemindəki yeniliklərdən danışıb, əlaqələrin dərinləşdirilməsi üçün geniş perspektivlərin olduğunu bildirib.
M.Kasımaliyev qarşılıqlı fəaliyyətin daha da genişləndirilməsi arzusunda olduqlarını söyləyib.