Xarici siyasət

Ana səhifə

Xarici siyasət

Azərbaycan səfiri Taliban XİN rəhbərinin müavini ilə görüşüb

28 fevral 2024 12:35 (UTC +04:00)

Azərbaycanın Əfqanıstandakı səfiri İlham Məmmədov Taliban xarici işlər nazirinin müavini Şirməhəmməd Abbas Stankəzai ilə görüşüb.

APA xəbər verir ki, bu barədə “Tasnim” məlumat yayıb.

Görüşdə nazir müavini Əfqanıstanın iqtisadi vəziyyətini yaxşılaşdırmağa çalışdığını, balanslaşdırılmış və iqtisadi yönümlü siyasət yürütdüyünü, eləcə də bütün ölkələrlə yaxşı münasibətlərə maraqlı olduqlarını vurğulayıb.

Səfir İlham Məmmədov təhlükəsizliyin təmin edilməsi, iqtisadi tərəqqi və narkotiklərlə mübarizə sahəsində səyləri yüksək qiymətləndirib. Bununla yanaşı, Azərbaycanın Əfqanıstanla bu sahədə, eyni zamanda, mədəniyyət, iqtisadi və ticarət sahələrində əməkdaşlığa hazır olduğunu bildirib.

Qeyd edək ki, 13 yanvar 2021-ci ildə Azərbaycan Prezidenti İlham Əliyev Azərbaycan Respublikanın Əfqanıstanda səfirliyinin təsis edilməsi haqqında qanunu imzalayıb. 15 fevral 2024-cü ildə Səfir İlham Məmmədov xarici işlər naziri Əmir Xan Müttəqi ilə görüşüb və Kabildə səfirliyin açılması ilə bağlı rəsmi məktubu təqdim edib.