Xarici siyasət

Ana səhifə

Xarici siyasət

Deputat: Azərbaycanın Zəfəri, suverenliyimizin tam bərpası ABŞ-ı məyus edib

16 noyabr 2023 17:36 (UTC +04:00)

Azərbaycanın 44 günlük Vətən müharibəsində şanlı Zəfəri, həminin, bu ilin sentyabrında suverenliyimizin tam bərpası bəzi Qərb ölkələrini, o cümlədən ABŞ-ı məyus edib.
Bunu APA-ya açıqlamasında Milli Məclisin deputatı Vüqar İskəndərov deyib.
O qeyd edib ki, həm ABŞ, həm də Fransa hələ də işğalçı Ermənistanın məğlubiyyətini həzm edə bilmirlər. Ona görə də bu ölkələr regionda yenidən mühairbənin alovlanması üçün dəridən qabıqdan çıxırlar: "Noyabrın 15-də ABŞ Konqresinin Nümayəndələr Palatasında “Dağlıq Qarabağın gələcəyi” mövzusunda keçirilmiş dinləmələrə də bu prizmadan yanaşmaq lazımdır. Görünən odur ki, ABŞ və Fransanın güclü, suveren, müstəqil Azərbaycan dövlətini qəbul edə bilməyib. Lakin bu cəhdlər əbəsdir. Xüsusilə də okeanın o tayındakı başbilənlər anlamalıdırlar ki, Azərbaycanın nə ABŞ, nə də onun Konqresi qarşısında heç bir öhdəliyi yoxdur. Heç bir ölkə Azərbaycan təzyiq dili ilə danışa bilməz”.
Deputat bildirib ki, bu hədsiz erməni sevgisi ABŞ-ın regiondakı maraqlarına ciddi zərbə vura bilər: “Çünki ABŞ anlamalıdır ki, Azərbaycan olmadan nə Cənubi Qafqazda, nə də Mərkəzi Asiyada siyasəti olmayacaq. Ona görə də Konqresdəkilər bir daha yaxşı-yaxşı düşünməlidirlər. Özü də soyuq başla düşünməlidirlər ki, sonra gec olmasın”.
Vüqar İskəndərov Azərbaycan xalqının yaxın keçmişdə baş verənləri də diqqətdə və yaddaşda saxlandığını deyib: “Bu danılmaz bir həqiqətdir ki, ATƏT MQ həmsədrlərindən biri kimi ABŞ ərazilərimizin işğalı, etnik təmizləmə, milli-mədəni irsimizin məhv edilməsi, sərvətlərimizin talanmasına görə də məsuliyyət daşıyır. İşğal dövründə ABŞ bir dəfə də olsun Ermənistanı qınamadı, BMT TŞ-nin məlum 4 qətnaməsinin icrası istiqamətində addım atmadı. Amma 1992-ci ildə Azərbaycana qarşı “907-ci düzəliş”i qəbul etdi. Azərbaycan xalqı bu riyakarlığı unutmayıb və unutmayacaq”.