İslam Dünyası Təhsil, Elm və Mədəniyyət Təşkilatı (ICESCO) Azərbaycan Hava Yollarına məxsus sərnişin təyyarəsinin qəzaya uğraması ilə bağlı Prezident İlham Əliyevə və Azərbaycan xalqına başsağlığı verib.
APA xəbər verir ki, bu barədə təşkilatın rəsmi saytında məlumat paylaşılıb.
"İslam Dünyası Təhsil, Elm və Mədəniyyət Təşkilatı (ICESCO), 25 dekabr 2024-cü il, çərşənbə günü Qazaxıstanın qərbində baş verən Azərbaycan Hava Yollarına məxsus təyyarə qəzasında həlak olanların xatirəsinə Azərbaycan Respublikasının rəhbərliyinə, hökumətinə və xalqına dərin hüznlə başsağlığı bildirir. ICESCO, həmçinin, bu faciəli hadisədə xəsarət alanlara tezliklə şəfa diləyir," - bəyanatda bildirilir.
ICESCO-nun Baş direktoru Salim bin Məhəmməd əl-Maliki, Azərbaycan Respublikasının Prezidenti İlham Əliyevə, eləcə də Azərbaycanın hökumətinə və xalqına səmimi başsağlığı ifadə edib.
Sahilə Cabbar
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
