“İtkin düşmüş şəxslərlə bağlı məsələdə təcrübə bölüşülməlidir”.
APA xəbər verir ki, bunu İsveçrə Konfederasiyasının Azərbaycandakı səfiri Tomas Stahli “İtkin düşmüş şəxslər probleminin həlli: ailələrin həqiqəti bilmək hüququnun dəstəklənməsi” mövzusunda beynəlxalq konfransda çıxışında deyib.
O bildirib ki, bu məqsədlə dövlət və hərbi arxivlərin açılması üçün siyasi iradə formalaşdırmaq olar: “Biz bir-birimizin yanaşmamızdan əvəzolunmaz dərslər öyrənməliyik. Kütləvi məzarlıqların qazılması, ekskumasiyası kimi işlərdə bölüşülən təcrübə itkin düşmüş şəxslər üçün çox vacibdir. Birbaşa təsirə məruz qalan itkin düşənlərin ailələridir. Ailələrin səsləri bir-birilərinə çatmalıdır. Əmin olmalıdırlar ki, onların axtarış proseslərində iştirakı vacibdir".
Səfir qeyd edib ki, itkin düşənlər və onların ailələri üçün fəaliyyəti genişləndirməklə bağlı diplomatik əlaqələri artırmağa çalışmaq lazımdır: "İtkin düşmüş şəxslər probleminin həll edilməməsi davamlı sülh üçün böyük maneəyə çevrilir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
