"İslamofobiya ilə mübarizə ciddi qlobal hərəkata çevirilib. Rəmzi jestlərdən əlavə olaraq bu gün islamofobiyaya qarşı konkret təkliflər irəli sürülür".
APA xəbər verir ki, bunu Doha Beynəlxalq Dinlərarası Dialoq Mərkəzinin rəhbəri İbrahim Saleh Al-Naimi Bakıda keçirilən "İslamofobiya: Qərəzin ifşa olunması və stiqmaların dağıdılması" mövzusunda beynəlxalq elmi konfransda bildirib.
Onun sözlərinə görə, günümüzdə islamofob meyllərlə mübarizədə Azərbaycan böyük rola malikdir:
"Biz Azərbaycanın islamofobiya ilə mübarizə səylərini təqdir edirik. Sözügedən plarformalar artıq öz nəticələrini verir. Azərbaycan islamofobiyaya qarşı mübarizə baxımından böyük rola malikdir. Hesab edirik ki, bu cür konfranslar islamofobiya və ksenofobiyanın bütün formalarına qarşı mübarizədə mühüm önəm daşıyır. Biz islamofobiya ilə bağlı artan tendensiyaların, sistematik ayrı-seçkiliyin şahidiyik. Müxtəlif dini ibadət yerlərinə hücumlar həyata keçirilir. Bu gün bizim Baş Katiblik səviyyəsində islamofobiya ilə bağlı monitorinqlər aparılır, eləcə də dini maarifləndirmə tədbirləri həyata keçiririk. Hesab edirik ki, xüsusilə kütləvi informasiya vasitələri dini ayrı-seçkiliyə qarşı mübarizədə fəal olmalıdır. Bütün maraqlı tərəfləri bir araya gətirərək elə mühit yaratmaq lazımdır ki, hər kəs öz dini inancını sərbəst şəkildə həyata keçirə bilsin. Bu gün BMT baş katibinin dinlərarası dialoq üzrə xüsusi nümayəndəsinin təyinatı bu işin effektiv həyata keçirilməsinə töhfəsini verəcək".
O əlavə edib ki, islamofobiya ilə mübarizədə sadəcə təlim və dialoq yetərli deyil:
"İslamofobiyanın nəticələri çox qorxuludur və islamofobiya müsəlmanlara qarşı əsassız qorxulara söykənir. Bu gün dünyada islam əleyhinə baş verən terror hadisələri, İsveçdə və Danimarkada Quranın yandırılıması islamofobiyanın açıq təzahürüdür. İslamofobiya ilə mübarizə apararkən maarifləndirmə gücləndirilməli, həqiqətlərin çatdırılmasında beynəlxalq cəhdlər ortaya qoyulmalı və qanunlar qəbul edilməlidir, eləcə də dünyada islamofobiya ilə mübarizə üzrə çağırışlar olmalıdır. Bütün dinlərdən olanlar islamaofobiya ilə mübarizəyə qoşulmalıdır. İnsanlar dünyaya bir-birinə nifrət duyğuları ilə gəlmir. Əgər insan nifrəti öyrənirsə, sevgini də öyrənməlidir".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
