Bakıda Misirin milli bayramına həsr olunmuş rəsmi qəbul keçirilib.
APA-nın məlumatına görə, tədbirdə diplomatik korpusun nümayəndələri, ictimai-siyasi xadimlər və digərləri iştirak ediblər.
Misirin Azərbaycandakı fövqəladə və səlahiyyətli səfiri Adel İbrahim Ahmed İbrahim Şanlı iyul inqilabının 66-cı ildönümünün qeyd edildiyini deyib. Səfir Azərbaycanın inkişafı və daha da müasirləşdirilməsində əldə edilmiş irəliləyişi xüsusi qeyd edib.
O bildirib ki, Misir Azərbaycan arasında tarixən səmimi ikitərəfli əlaqələr olub:" Misir Azərbaycanın müstəqilliyini rəsmən tanıyan ilk ölkələr sırasında yer alır. İqtisadi inkişafa və sosial tərəqqiyə nail olmaq istiqamətində bir-birimizin səylərimizi dəstəkləyirik".
Milli Məclisin sədr müavini Bahar Muradova əvvəlcə Misir xalqını və dövlətini Azərbaycan hökumət rəhbərliyi adından təbrik edib. B.Murdova bildirib ki, Azərbaycanın Misirlə əlaqələri qarşılıqlı hörmətə əsaslanır: "İki ölkə arasında mövcud imkanlardan səmərəli istifadə üçün daha çox səylər göstərilməsi gərəkdir. Bunun üçün siyasi iradə göstərilməlidir. Biz iqtisadi-ticari əlaqələrin inkişafına xüsusi önəm veririk".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
