Xarici siyasət

Ana səhifə

Xarici siyasət

MSK nümayəndələri 3 missiyanın tərkibində Rusiyada prezident seçkilərini müşahidə edəcək

07 mart 2018 09:17 (UTC +04:00)

Azərbaycan Mərkəzi Seçki Komissiyasının nümayəndələri 3 missiyanın tərkibində martın 18-də Rusiyada keçiriləcək prezident seçkilərini müşahidə edəcək.

APA-nın məlumatına görə, bunu MSK sədri Məzahir Pənahov bildirib.

M. Pənahov deyib ki, Rusiya MSK sədri onu da seçkiləri müşahidə etmək üçün şəxsən dəvət edib: "Ancaq aprelin 11-nə təyin edilmiş prezident seçkiləri ilə əlaqədar Azərbaycanda həmin vaxt təşviqat mərhələsi başlayır. Bu dövrdə MSK-nın müvafiq qərarları olmalıdır və bu qərarlar nəinki gün, hətta saatlarla ölçülür. Ona görə də mən Rusiyada prezident seçkilərinin müşahidə edilməsində iştirak edə bilməyəcəm. Lakin Rusiyada prezident seçkilərinin müşahidəsində MSK üzvü və MSK-nın əməkdaşı iştirak edəcək. O cümlədən, Müstəqil Dövlətlər Birliyinin Müşahidə Missiyasının tərkibində MSK-nın nümayəndələri iştirak edəcək. ATƏT Demokratik Təsisatlar və İnsan Haqları Bürosunun müşahidə missiyasının tərkibində də MSK-nın iki nümayəndəsi olacaq. MSK ATƏT Demokratik Təsisatlar və İnsan Haqları Bürosu ilə 10 ildən çoxdur ki, əməkdaşlıq edirik və müxtəlif ölkələrdə keçirilən seçkilərdə bağlı formalaşdırdıqları missiyaların tərkibində MSK-nın nümayəndələri olur".