"2017-ci ildə Azərbaycan və İndoneziya arasında xüsusilə iqtisadi və mədəniyyət sahələrində əlaqələr 2015-16-cı illərlə müqayisədə daha yüksək inkişaf edib".
APA-nın xəbərinə görə, bunu İndoneziyanın Azərbaycandakı səfiri Hüsnan Bey Fanani deyib.
İl ərzində idxal və ixracata dair qeydə alınan statistik rəqəmlərin də bu inkişafın əsas göstəricisi olduğunu deyən səfir bildirib ki, 2015-16-cı illərdə bu rəqəm 19 milyon idisə, cari ildə bu həcm 46 milyon dollar səviyyəsinə çatıb.
Azərbaycan və Indoneziya arasında əlaqələrin inkişafında Azərbaycanlı gənclərin rolunu xüsusi vurğulayan səfir deyib ki, 2018-ci ildə İndoneziya Azərbaycanda əsasən təhsil sahəsində əlaqələri genişləndirməyə çalışacaq: "Gələn il Cakartada Azərbaycan Dil Mərkəzi fəaliyyətə başlayacaq. Gələn ilin sentyabr-oktyabr aylarında Azərbaycanda İndoneziya mədəniyyət günləri keçirməyi də planlaşdırırıq. Eyni zamanda qarşılıqlı səfərlər, iş adamları arasında qarşılıqlı əməkdaşlıq, təqaüd proqramlarının həyata keçirilməsinə çalışacağıq".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
