Avropa Liqasının I təsnifat mərhələsinin ilk oyunları çərçivəsində keçiriləcək “Qəbələ” – “Proqres” (Lüksemburq) matçının hakimləri açıqlanıb. Apasport.az AFFA-nın rəsmi saytına istinadən xəbər verir ki, iyulun 12-də baş tutacaq oyunu Moldovadan olan hakimlər idarə edəcək.
Qəbələ şəhər stadionunda keçiriləcək qarşılaşmanın baş hakimi Vyaçeslav Banari, onun yardımçıları isə Vasili Ermişin və Dimitri Çiobanudu. Matçın dördüncü hakimi Andrey Kojakaru olacaq. Qarşılaşmada İqor Pristovnik (Xorvatiya) hakim-inspektor, Nikoloz Jgarkava (Gürcüstan) UEFA nümayəndəsi funksiyasını yerinə yetirəcək.
Qeyd edək ki, “Qəbələ” – “Proqres” oyunu saat 20:00-da başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
