Bakı. Aqşin Rafiqoğlu - APA-Economics. Bu gün Azərbaycan Dövlət Neft Şirkətində (ARDNŞ) lay suyu məsələlərinə dair SOCAR-BP Ekoloji işçi qrupunun növbəti iclası keçirilib.
ARDNŞ-dən “APA-Economics”ə verilən məlumata görə, iclasda SOCAR-ın ekologiya üzrə vitse-prezidenti Rəfiqə Hüseynzadə, BP-nin əməyin təhlükəsizliyi və əməliyyat riskləri üzrə vitse-prezidenti Robert Vat, BP London ofisindən lay suları üzrə məsul şəxs Endryu Vatson və digər mütəxəssislər iştirak ediblər.
İclasda BP və SOCAR-da formalaşan lay sularının utilizasiya metodları, bu sahədə mövcud təcrübə müzakirə edilib. Bundan əlavə, lay sularının idarəolunmasına dair pilot layihənin həyata keçirilməsi məsələsinə də toxunulub.