Bakı. Könül Cəfərli – APA. İranın Şərqi Azərbaycan vilayətində baş verən zəlzələ nəticəsində Herisin Şahsuvar kəndinin 7 sakini yaralanıb. APA-nın məlumatına görə, müxtəlif dərəcəli xəsarət alanlar İranın Qızıl Ay Cəmiyyətinin xətti ilə xəstəxanaya çatdırılıb. Tibbi yardım göstəriləndən sonra yaralılar evə buraxılıb.
Zəlzələ nəticəsində Əhərin Gəziləcə kəndində 5 evə zərər dəyib. Vərziganda isə hələ də yeraltı təkanlar davam edir.
Qeyd edək ki, İranın Şərqi Azərbaycan vilayətində yanvarın 26-da yerli vaxtla saat 18:40-da Rixter şkalası üzrə 4.8 bal gücündə zəlzələ baş verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
