Bakı. Rəşad Süleymanov – APA. Fransa Silahlı Qüvvələrdə ciddi kadr ixtisarlarına başlamağı planlaşdırır. APA-nın xarici mətbuata istinadən verdiyi məlumata görə, Fransa Müdafiə Nazirliyi 2019-cu ilə qədər silahlı qüvvələrin şəxsi heyətinin sayının 280 mindən 246 min nəfərədək azaldılması barədə qanun layihəsi hazırlayıb.
Avqustun 2-də hökumətdə baxılacaq layihəyə əsasən, sıravi hissələrin şəxsi heyəti 8 min nəfər, xaricdə olan kontingentlərdə 15-20 min nəfər azaldılacaq. Eləcə də 16 min aparat vəzifəsi ləğv olunacaq.
Bununla yanaşı, qanun layihəsində orduya məxsus bəzi obyektlərin özəlləşdirilməsi planlaşdırılır. İxtisarlar nəticəsində 2014-cü ildə satılacaq torpaq və binalar Müdafiə Nazirliyinin büdcəsinə 300 milyon avro gətirəcək. Fransa hökuməti, həmçinin 3 milyard avro dəyərində hərbi sifarişlərdən imtina etməyi planlaşdırır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
