Bakı-APA. Tunis polisi müxalif siyasətçi Şükrü Belyidin qətlində əsas şübhəli bilinən şəxsi həbs etdiyini elan edib. Bu barədə APA Frans Press-ə istinadən məlumat verir.
Məlumata əsasən, iş üzrə əsas şübhəli paytaxt yaxınlığında yaşayan 31 yaşlı mebel ustasıdır. O və onunla bir yerdə həbs olunmuş şəriki sələfi cərəyanına məxsusdurlar.
Belyid öz evinin qarşısında fevralın 6-da güllələnib. Bu hay-küylü qətl islamçılar və dünyəvi qüvvələr arasında ölkədə gedən mübarizəni daha da alovlandırıb.