Bakı. Şəhriyar Əlizadə - APA. Hakimlərin Seçki Komitəsində (HSK) hakimliyə namizədlərlə təşkil olunmuş bir illik tədris kursunun nəticələrinə dair məlumat dinlənilib.
HSK-dan APA-ya verilən məlumata görə, iclasda qeyd edilib ki, Ədliyyə Akademiyasında keçirilmiş kurs zamanı namizədlərin hakim olmaq üçün zəruri biliyə və peşə hazırlığına yiyələnmələrinə xüsusi diqqət yetirilib, insan haqlarının etibarlı müdafiəsi, Avropa məhkəməsinin presedent hüququ, məhkəmə etikası, korrupsiyaya qarşı mübarizə və digər aktual mövzular prioritet təşkil edib.
Təcrübəli hakimlərin və nüfuzlu beynəlxalq ekspertlərin iştirakı ilə keçirilən kurs çərçivəsində namizədlər yarım il ərzində müxtəlif məhkəmələrdə staj keçib, həmçinin, Türkiyə Ədliyyə Akademiyası ilə razılaşmaya əsasən bütün namizədlər üçün qardaş ölkədə insan haqlarına dair yarım aylıq kurs və məhkəmə təcrübəsi təşkil olunub.
İclasda tədris kursunun müvəffəqiyyətlə başa çatması vurğulanaraq onun nəticələri üzrə namizədlərlə şəffaf şəraitdə, müşahidəçilərin iştirakı ilə yazılı imtahanın keçirilməsi ilə bağlı məsələyə baxılıb və imtahanın may ayının 3-də, saat 10:00-da Azərbaycan Texniki Universitetinin idman sarayında təşkili qərara alınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
