Bakı-APA. Meksikanın Sinaloa ştatında hərbçilərlə cinayətkarlar arasında atışma olub, nəticədə 8 silahlı öldürülüb. APA-nın “RİA Novosti”yə istinadən verdiyi xəbərə görə, yerli rəsmi qurumların məlumatına əsasən, dəniz piyadalarından ibarət qrup ərazidə planlı yoxlama keçirərkən qanunsuz silahlı qrupun hücumuna məruz qalıb. Atışma zamanı hücum edənlərdən 8 nəfəri öldürülüb, hərbçilər arasında itki yoxdur.
Hadisə yerində cinayətkarlara məxsus zirehli maşın daxil olmaqla bir neçə avtomobil, çoxlu sayda silah-sursat aşkarlanıb. Öldürülən silahlılar Meksika hərbçilərinə məxsus geyimdə olublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
