Hadisə

Ana səhifə

Hadisə

Balakən və Zaqatalada üç yanğın hadisəsi baş verib

31 mart 2012 07:13 (UTC +04:00)

Zaqatala. Vüqar Heydərov - APA. Azərbaycanın Balakən və Zaqatala rayonlarında yanğın hadisələri baş verib. Bu barədə APA-nın yerli bürosuna Fövqəladə Hallar Nazirliyinin (FHN) Balakən və Zaqatala Yanğından Mühafizə Hissələrindən (YMH) məlumat verilib. İlk yanğın hadisəsi Balakən rayonunun Katex kəndində, Dərvişov Süleyman Əmrullax oğlunun yaşadığı evin həyatyani sahəsində tikilmiş, ümumi sahəsi 55 kv/m olan tövlədə qeydə alınıb. Baş vermiş yanğın nəticəsində tövlənin yanar konustriksiyaları və 2 ton quru ot kütləsi yanaraq yararsız hala düşüb.

Zaqatalada isə iki yanğın hadisəsi qeydə alınıb. Yanğınlar rayonun Əliabad və Aşağı Tala kəndlərinin inzibati ərazilərinə məxsuz quru ot və kol-kos sahələrində baş verib. Nəticədə 2 hektar sahə yanıb. Hər iki kənddə baş verən yanğınlar fındıq bağlarına bitişik sahələrində baş verib. Zaqatala YMH-nin əməkdaşlarının səyi nəticəsində yanğının genişlənərək fındıq bağlarına keçməsinin qarşısı alınıb. Faktlarla bağlı araşdırma aparılır.