Somali yaxınlığında piratlar türk gəmisini ələ keçiriblər
30 oktyabr 2008 10:57 (UTC +04:00)
Somali – APA. Somali sahilləri yaxınlığında Türkiyəyə məxsus gəmi piratlar tərəfindən ələ keçirilib. APA-nın Türkiyə xəbər agentliklərinə istinadən verdiyi məlumata görə, oktyabrın 29-da günorta saatlarında gəmi katerlə yaxınlaşan piratların hücumuna məruz qalıb. Gəmi və 20 ekipaj üzvündən xəbər yoxdur. Qaçırılan gəmi Sabançı ailəsinə məxsus “Ya/Sa Denizcilik” şirkətinə aiddir.
Qeyd edək ki, yanvar ayından bu yana Somali sahilləri yaxınlığında piratlar tərəfindən 73 gəmi qaçırılıb.
Qeyd edək ki, yanvar ayından bu yana Somali sahilləri yaxınlığında piratlar tərəfindən 73 gəmi qaçırılıb.