Afrika

Ana səhifə

Afrika

Nigeriyada dini zəmində baş vermiş münaqişə qurbanlarının sayı 464 nəfərə çatıb

20 yanvar 2010 17:41 (UTC +04:00)

Bakı-APA. Ötən bazar günündən bəri Nigeriyanın Plato ştatının Cos şəhərində müsəlmanlar və xristianlar arasında davam edən qanlı münaqişələrdə həlak olanların sayı 464 nəfərə çatıb.

APA-nın «İTAR-TAAS»-a istinadən yaydığı məlumata görə, ölkənin əhalisi yarım milyondan çox olan bu yaşayış məntəqəsinin 20 mindən çox sakini zorakılıq ehtimalından ehtiyatlanaraq ev-eşiklərini tərk etməyə məcbur olublar.

Ölkədə fəaliyyət göstərən humanitar təşkilatların məlumatlarına görə, bir gün öncə şəhərdə asayişin bərpa olunması məqsədilə sutka ərzində komendant saatı tətbiq olunmasına və şəhərə hökumət qoşunlarının yeridilməsinə baxmayaraq, bu gün səhər Cos şəhərinin bir sıra məhəllələrində yeni toqquşmalar baş verib.

Yerli hüquq müdafiəçiləri və müşahidəçilərin məlumatlarına görə, şəhərdə humanitar vəziyyət çox mürəkkəbdir - su, ərzaq və tibbi ləvazimatlar çatışmır.